Kaffara kab wajib hota hai

 Kaffara kab wajib hota hai?

 Qaza ke sath kaffara teen baton ke paye jane se wajib hota hai:

 (1) Ramazan ka mahina ho.

 (2) Roza rakhne ke baad baghair uzr ke roza tod diya ho.

 (3) Roza yaad hote hue hambistari kar li ya aisi cheez kha li ya pee li jo aam taur par log

 khate peete  hain.

 (Agar aisi cheez kha li jis ko aam taur par log nahi khate hain, jaise kankar, mitti,

 kaghaz waghaira, to us

 se roza toot jayega, Magar kaffara wajib na hoga). [Shami:7/448-449, Babu Maa

 Yufsidus Saum]

 Masla: Kisi ne bhool kar koi cheez kha li, phir ye samajhte hue ke roza toot chuka hai,

 khana peena shuru

 kar diya to roza toot jayega lekin kaffara wajib nahi hoga. [Shami:7/418, Babu Maa

 Yufsidus Saum]

Roze ka kaffara

 (1) Ek gulam aazad karna.

 (2) Agar ghulam aazad na kar sake, to do mahine ke lagatar roze rakhna.

 (3) Agar us ki bhi taqat na ho to 60 miskeenon ko do waqt pet bhar kar khana khilana,

 ya har miskeen

 ko Sadqa-e-Fitr ke baqadr galla (pone do kilo gehun (wheat): 1¾ kg) ya us ki qeemat

 dena.

 [Shami:7/457, Babu Maa Yufsidus Saum] 

Tambeeh: Ramazan Shareef mein agar kisi ka roza toot jaye, to sham tak khane peene

 se ruke rehna

 wajib hai, isi tarah agar musafir din mein apne ghar ajaye ya nabalig ladka balig ho jaye

 ya uzr wali

 aurat ka uzr khatm ho ajaye, to un logon ko bhi sham tak rozedaron ki tarah khane

 peene se ruke rehna

 wajib hai. [Badaye Us Sanaye:2/102, Hukm us Saum ul Waqt]

Azar do qisam ke hain: (1) Dayemi (2) Aarzi 

Dayemi: Wo uzr jo mout tak baqi rahe, jaise shaikh e fani (bahot zyada budha) aur

 aisa

 marz jis ke

 sahetyab hone ki ummeed na ho, in dono par apni zindagi mein roza na rakhne ke ewaz

 mein fidya

 dena wajib hai, aur agar zindagi mein fidya ada nahi kiya, to mout ke waqt wasiyyat

 karna wajib hai.

 (Shami:8/6-7, Fasl fil Awariz Al Mabiha)

Aarzi: Wo azaar jo khatm ho jaya karte hain, jaise marz, safar, hamal waghaira, aise

 uzr ke khatm hone

 ke baad in rozon ki qaza wajib hai, fidya dena kafi na hoga aur agar waqt milne ke ba

 wajood roze qaza

 nahi kiye yahan tak ke mout ka waqt aa pahuncha, to ab fidye ki wasiyyat karna wajib

 hai, agar aise

 uzr ke khatm hone se pehle mout agayi to fidya ki wasiyyat wajib nahi hogi.

 (Shami:7/497, Fasl fil

 Awariz Al Mabiha)